إزاي تبدأ تتعلم مونتاج الفيديو على Adobe Premiere من غير ما تدفع ولا جنيه؟

في الوقت اللي فيه صناعة الفيديوهات بقت من أهم وأقوى المجالات على السوشيال ميديا، بقى تعلم المونتاج مهارة ذهبية. لكن السؤال اللي بيطرح نفسه هو: هل لازم أدفع فلوس عشان أتعلم؟
والإجابة بكل بساطة: لأ، مش لازم! من ناحية أولى، الإنترنت دلوقتي مليان مصادر تعليمية مجانية ممكن تبدأ بيها من غير ما تدفع ولا مليم. ومن ناحية تانية، برنامج Adobe Premiere، بالرغم من قوته واحترافيته، تقدر تتعلمه بأسلوب بسيط خطوة بخطوة.

ليه Adobe Premiere تحديدًا؟

•  اولا  المونتاج البرنامج بيُستخدم في أشهر الاستوديوهات وشركات الإنتاج.

• ثانيًا، سهل التعلّم مع الوقت، وبيقدّم إمكانيات ضخمة حتى للمبتدئين.

• بالإضافة إلى ذلك، كل مهاراتك اللي هتتعلمها عليه ممكن تطبقها في شغل Freelance أو محتوى شخصي على يوتيوب أو إنستجرام.

إزاي تبدأ تتعلم من غير ما تدفع؟

1. ابدأ بالكورسات المجانية على YouTube

في البداية، YouTube هو كنز لأي حد حابب يتعلم حاجة جديدة، خاصة لو بتدور على فيديوهات مونتاج تعليمية بالعربي أو الإنجليزي.

أهم القنوات اللي تقدر تبدأ بيها:

• Abdelrahman Gamal: بيشرح الأدوات بشكل بسيط ومناسب للمبتدئين عن المونتاج.

• Mtg Egypt: دروس قصيرة ومركزة بالعربي.

• Justin Odisho (بالإنجليزي): بيعلم تقنيات متقدمة بشكل احترافي وسلس.

• Premiere Gal: لو عايز تركّز على الإبداع والإنتاج الفني.

وبالتالي، بمجرد ما تبدأ تتابع فيديوهات مونتاج منتظمة، هتلاقي إنك بتتطور يوم بعد يوم.

2. حمّل النسخة التجريبية من البرنامج

• من ناحية أخرى، Adobe بتوفر نسخة تجريبية مجانية لمدة 7 أيام.

• في خلال المدة دي، حاول تطبق كل اللي اتعلمته عملي، وخد بالك من التفاصيل.

وبعد انتهاء النسخة التجريبية، تقدر تستخدم بدائل مفتوحة زى DaVinci Resolve أو Shotcut عشان تكمل التدريب، لحد ما تكون مستعد تشتري النسخة المدفوعة – لو حبيت.

3. شارك في جروبات المونتاج على فيسبوك

وعلاوة على ذلك، وجودك في مجتمعات مهتمة بالمجال بيساعدك تسأل، تتفاعل، وتتعلم من خبرات الآخرين.
جرب تدخل جروبات زي:

• مونتيرز مصر

• Premiere Pro بالعربي

• Freelance Editors Network

وبالتالي، هتقدر تطلب رأي الناس في شغلك، وتاخد نصائح مباشرة لتحسين مستواك.

4. نزّل مشاريع جاهزة وابدأ تعدل عليها

• بدل ما تبدأ من الصفر، جرب تعدل على ملفات مفتوحة (Project Files) جاهزة.

• وبكده، تتعلم من تطبيق عملي وتشوف إزاي المحترفين بيشتغلوا.

فيه مواقع زي:

• Mixkit

• Motion Array (فيها جزء مجاني)

• Videezy

5. خصص وقت يومي حتى لو نص ساعة

وفي النهاية، الاستمرارية هي المفتاح.
حتى لو كل يوم نص ساعة، المهم إنك تستمر، وتتعلم، وتطبّق.

تعلم Adobe Premiere المونتاج مش محتاج ميزانية… محتاج حماس، صبر، وتنظيم.
ومن خلال المصادر المجانية والكورسات المتاحة، هتقدر توصل لمستوى احترافي خطوة بخطوة.