نجوم الإبداع في عالم الفيديوهات القصيرة Reels Creator

في زمن السوشيال ميديا دلوقتي بقت الفيديوهات القصيرة جزء مهم من حياتنا اليومية. واحدة من أهم الحاجات اللي بتربط الناس ببعض هي “الرييلز” (Reels)، واللي هي ميزة موجودة على إنستغرام من سنة 2020، واللي بتخلي المستخدمين ينشروا فيديوهات قصيرة مليانة إبداع وحيوية. ومع الوقت، بقت “Reels” وسيلة قوية للفنانين والمؤثرين والمسوقين علشان يعرضوا محتواهم، يزيدوا متابعينهم، وحتى يكسبوا دخل من ورائها طيب، مين هو “Reels Creator”؟ و إيه مهمته؟ ده اللي هنتكلم عنه في المقالة دي ⇓

مين هو Reels Creator؟

Reels Creator هو الشخص اللي بيعمل فيديوهات قصيرة باستخدام ميزة الرييلز على إنستجرام. المبدعين دول مش بس ناس مبتدئين، دول كمان مؤثرين مشهورين على منصات السوشيال ميديا، وبيشتغلوا في مجالات كتير زي الموضة، الطعام، الرياضة، السفر، الفن، وغيره، المبدعين بيستخدموا الرييلز علشان يتفاعلوا مع جمهورهم بشكل سريع، وبيستعملوا فيها موسيقى، تأثيرات، وفلاتر علشان يخلوها أكتر جذبًا ♥

ليه بقى Reels Creator مهم؟

في السنين الأخيرة، بقى المحتوى المرئي جزء أساسي من التفاعل على منصات السوشيال ميديا. ومع ميزة الرييلز، بقى المبدعين قادرين يوصلوا لجمهور أكبر بكتير مقارنة بالصورة العادية أو الفيديوهات الطويلة. كمان خوارزميات إنستجرام بتدعم الرييلز بشكل كبير، يعني الفيديوهات دي عندها فرصة أكبر علشان توصل لناس أكتر في وقت قصير. وأكيد مش بس كده، الرييلز بقى ليها دور كبير في التسويق. دلوقتي، الشركات بدأت تتعاون مع Reels Creators علشان تروج لمنتجاتها بطريقة مبتكرة وتوصل لجمهور أكبر، وبكده بيقدروا يعملوا حملات تسويقية ناجحة

♦المهارات اللي لازم تكون عند Reels Creator
علشان تكون Reels Creator ناجح، لازم يكون عندك شوية مهارات مهمة:

1. الإبداع: لازم تكون قادر على تقديم محتوى جديد ومميز. كلما كان الفيديو بتاعك أكتر ابتكار، زادت فرص انتشاره
2. التصوير والمونتاج: من المهم إنك تكون عندك مهارات في التصوير وتحرير الفيديو. الفلاتر، التأثيرات، والموسيقى بتكون جزء أساسي من الفيديوهات عشان تكون جذابة
3. التفاعل مع الجمهور: لازم تكون دايمًا في تواصل مع متابعينك، تجاوب على تعليقاتهم وتشجيعهم على المشاركة. بناء علاقة قوية مع جمهورك هيساعد في زيادة التفاعل
4. الفهم الجيد للخوارزميات: رغم إن الخوارزميات بتاعة الفيديوهات ممكن تكون معقدة شوية، إلا إنك لو فهمتها كويس هتعرف تحسن ظهور الفيديوهات بتاعتك

مع كل جيل جديد، بيتغير نمط الحياة وسلوك الناس في الاستهلاك. من كام سنة، كان الجمهور بيحب يقضي ساعات طويلة وهو بيتفرج على فيلم أو مسرحية، ويمكن كمان بيسمع أغنية كلاسيكية زي ام كلثوم بتعدي الساعة
⇐ لكن مع تطور وتغير نمط الحياة بقى السرعة والإشباع الفوري هما شعار الجيل الجديد، جيل الألفية وجيل زد (Generation Z) – اللي هو الجيل اللي بعد الألفية. الجيل ده عايز ياخد كل حاجة بسرعة، الأفلام والمسلسلات بقت تلخيصات، والكتب بقت اقتباسات. والتطور ده أثر كمان على صناعة المحتوى، خصوصًا محتوى الفيديو

⇐ ومع انتشار تطبيقات الفيديوهات القصيرة زي تيك توك وإنستجرام، بقى الفيديوهات مدتها تقل، وأصبحت ثواني معدودة هي فرصتك علشان تعرض محتواك أو تبرز مميزات منتجك أو خدمتك

التسويق بالمؤثرين على تيك توك

التسويق عبر المؤثرين بقى واحد من أكتر أساليب التسويق تأثيرًا على الجمهور، وخصوصًا على تيك توك. هو بيجذب ملايين المتسوقين من جيل زد (جيل الألفية الجديدة)، علشان كده تيك توك ابتكرت “TikTok Creator Marketplace” علشان تساعد الشركات في إنهم يلاقوا المؤثرين المناسبين علشان يتعاونوا مع علامتهم التجارية ويروجوا ليها

(( من أشهر الحملات كانت تعاون Dunkin’ Donuts مع شارلي داميليو، كان عندها 18 سنة وبتعتبر صاحبة تاني أكبر حساب على تيك توك من حيث عدد المتابعين. دانكن دانتس سمّت مشروب باسم “The Charli” وضفته في قوائمها في كل الفروع، وشارلي عملت فيديو على تيك توك تحت هاشتاج #thecharli، اللي وصل لغاية دلوقتي لـ 165 مليون مشاهدة.
في خلال الخمسة أيام الأولى، باعت Dunkin’ Donuts “مئات الآلاف” من المشروبات، وده زود عدد المتابعين وزاد عدد الناس اللي حملوا تطبيق دانكن دونتس))